(Видео и фото)„Мелничка исселеничка средба 2024 “: Исселениците им подарија незаборавна вечер на соседите, пријателите и гостите во село Мeлница, Општина Чашка
![](https://duma.mk/wp-content/uploads/2024/07/Насловна-1.png)
Се разлеаја мелодичните звуци на познатите македонски ора од тапаните и зурлите, вчера вечер, на сред село во Мелница. Тапанџиите и зурлаџиите го означија почетокот на формирањето на Дефилето од играорци, учесници на вторите „Мелнички исселенички средби“. Се формираше поворката во која зачекорија и жителите на селото и качени на коњи, во прегратките на татковците, седеа петте машки деца кои почитувајќи ја традицијата денеска ќе имаат сунет.
Дефилето прошета низ централните селски улици и стигна во дворот на ОПУ„Тодор Јанев“ во Мелница.
Таму го пречекаа, поканетите гости на исселеничките средби поточно градоначалниците на општините и претседателите на Советите на општините Чашка, Велес и Градско, претседателот на Националниот македонски совет на исселеници во Швајцарија, акцијаши ветерани од Велес , велешани коишто со организиран или индивидуален превоз допатуваа во Мелница како и организаторите на културната манифестација заедно со домаќините, жители на селото.
![](https://duma.mk/wp-content/uploads/2024/07/DSC09020-1024x576.jpg)
![](https://duma.mk/wp-content/uploads/2024/07/DSC09039-1024x576.jpg)
Во името на еден од организаторите на „Мелничка исселеничка средба“, претседателот на Македонското друштво „Мак Мел“ од Бургдоф, Швајцарија, Ердован Еки Етовски ги поздрави сите присутни гости и домаќини.
Втората „Мелничка исселеничка средба 2024“ за отворена ја прогласи Горан Стојановски, градоначалник на Општина Чашка.
Организатоторите на средбата поделија Благодарници на бројни гости, учесници и поддржувачи на исселеничката средба.
![](https://duma.mk/wp-content/uploads/2024/07/Благодарници-2.png)
Културно уметничката манифестација ја отворија фолклористките, домаќинки, од село Мелница заедно со играорките на фолклорните друштва од Чашка и од Крива Паланка.
![](https://duma.mk/wp-content/uploads/2024/07/20240725_204555-1024x768.jpg)
![](https://duma.mk/wp-content/uploads/2024/07/DSC09060-1024x576.jpg)
![](https://duma.mk/wp-content/uploads/2024/07/20240725_202238-1024x768.jpg)
![](https://duma.mk/wp-content/uploads/2024/07/20240725_202801-1024x768.jpg)
![](https://duma.mk/wp-content/uploads/2024/07/20240725_204047-1024x768.jpg)
На сцената потоа запеаја естрадните уметници додека гостите се забавуваа пеејќи и играјќи ора.
![](https://duma.mk/wp-content/uploads/2024/07/Mitko-Stoilov-1024x768.jpg)
![](https://duma.mk/wp-content/uploads/2024/07/Oro-1024x768.jpg)
![](https://duma.mk/wp-content/uploads/2024/07/Narod-pred-bina-so-Mite-Stoilov-1-1024x768.jpg)
На крајот исселеничката средба заврши со забавата што на младите жители им ја приреди Ди Џеј.Организатори на културната манифестација се Општина Чашка, граѓанските здруженија „Мак Мел“ од Швајцарија и „Мел Мел“ од село Мелница.
Убавка Јаневска
![](https://duma.mk/wp-content/uploads/2021/05/SEMM.jpg)