Вечерва почнува зимата
Објавено на 21 декември, 2022 во 09:41
Зимата во земјава и на северната хемисфера на Земјата календарски почнува вечер во 22 часот и 48 минути. Во истовреме на јужната Земјина полутопка почнува летото.
На почетокот на зимата денот е најкраток, а ноќта најдолга.
Денеска е 355-иот ден во годината. До крајот на годината остануваат уште 10 дена.
Зимата ќе трае 88 дена, 23 часа и 36 минути, до 20 март 2023 година, кога на северната хемисфера настапува пролетта, а на јужната есента.
Метеоролозите за првиот зимски ден најавија сончево време со мала до умерена облачност. Ќе дува слаб ветер од југоисточен правец. Максималната температура ќе биде во интервал од 5 до 11 степени.
