Д-р Трајков: „Граѓаните кои го измениле начинот на живеење му помогнале на личното здравје“
Регион - Велес
Вторник, 21 Февруари 2017 20:21

Вкупно 17, 5 милиони граѓани во светот годишно умираат од кардиоваскуларни заболувања додека 7,2 милиони граѓани како последица на коронарни болести. Македонија е дел од светот и Македонците не можат да се изолираат иако за лани и за 2015 година нема официјални податоци кои се однесуваат на морбидитетот на граѓаните во Македонија како последица на овие видови на заболувања. Во последно објавените информации, од пред неколку години, се потврдува дека за жал, и во Македонија се присутни негативните светски тенденции.

 
Мирен протест на граѓани во Велес против омаловажувањето на ликот и делото на Рацин
Регион - Велес
Понеделник, 20 Февруари 2017 21:07

Граѓани на Велес денеска се собраа пред споменикот на Кочо Рацин во дворот на гимназијата која го носи неговото име во родниот град на поетот. Тие така одлучија да го изразат граѓанското незадоволство против јавно изкажаниот збор на новинарот Цветин Чилиманов, објавен на неговиот приватен блог, со кој му упати навреди на основоположникот на современата македонска литература и го нарече „џуџето од Велес“. Овие граѓани сметаат дека Чилиманов не смее така да се однесува кон најмаркантната личност од македонската национална историја.

 
Едукација во Велес за здрава исхрана на дијабетичарите
Регион - Велес
Понеделник, 20 Февруари 2017 12:36

Се едуцираа викендов граѓаните кои боледуваат од дијабет и членови на нивните семесјтва во Велес како да ги креираат своите оброци храна, потребни во еден ден. Работилница започна со предавањето на д-р Страхил Тодоров, доктор по општа медицина, кој на присутните граѓани им соопшти повеќе информации за болеста Дијабетот тип 2 и за можните поселдици врз севкупното здравје. Д-р Тодоров исто така сподели информации поврзани со превенцијата, потребните мерки и активности што секој граѓанин – дијабетичар треба да ги спроведува за да спречи загрозување на виталното здравје.

 
Велешани во одбрана на ликот и делото на Кочо Рацин
Регион - Велес
Понеделник, 20 Февруари 2017 11:57

Текстот за Кочо Рацин, во кој поетот се нарекува „џуџето од Велес“, објавен викендов од новинарот Цветин Чилиманов на неговиот блог предизвика бројни реакции како во велешката така и во македонската јавност. Во изминатите два дена социјалната мрежа „Фејсбук“ вриеше од коментари во кои граѓаните ги соопштуваа своите ставови по повод писанието на Чилиманов. Граѓани од Велес, граѓани родени во градот на Рацин кои сега живеат во други градови во Македонија или граѓани одселени во странство, бараа одговорност од Чилиманов за искажаните навреди на ликот и делото на Рацин.

 
Како жителите од велешкото маало „Крајот“ направија скривница
Регион - Велес
Сабота, 18 Февруари 2017 10:01

Граѓаните во велешкото маало „Крајот” ослободувањето на градот го дочекале во засолниште. Пред завршувањето на Втората светска војна, кога се гледал нејзиниот крај граѓаните во овој дел од Велес направиле скривница во која ќе можат да се засолнат.

 
Штрајкот на железничарите причина велешани да бараат билет повеќе во автобусите за Велес
Регион - Велес
Петок, 17 Февруари 2017 20:22

На велешани кои што патуваат, на работа, на училиште или на факултет во Скопје, со месечен железнички билет денеска вработените во „Македонски железници“ им соопштиле дека не ќе можат да го користат додека има штрајк во јавното претпријатие. Тие што успеале утринава да отпатуваат до македонската метропола ги информирале останатите дека нема да имаат превоз за назад, во попладневните часови. После 14 часот ниту еден воз не стигнал на железничката станица во Велес. Најголем дел од патниците се превезуваат со автобусите од станицата во Скопје.

 
Наместо со воз морале да се вратат со автобус, доцна попладнево, велешани кои имаат месечен железнички билет
Регион - Велес
Четврток, 16 Февруари 2017 19:14

Повеќе велешани кои со месечен железнички билет патуваат на работа во Скопје, доцна попладнево , останале без превоз за назад кон Велес. Дека нема да имаат можност да се вратат дома со воз дознале на билетарата на станицата во Скопје. Билетарите им препорачале да се префрлат на автобуската станица и вечерва да се вратат дома со автобус.

 
Извидниците со хуманитарна акција „Направи добро дело“ за сиромашни граѓани
Регион - Велес
Понеделник, 13 Февруари 2017 17:25

Пакети со прехранбени производи, училишен материјал и хигиенски материјали добија или ќе добијат семејства со социјален ризик како и многудетни семејства кои живеат во Велес,во Чашка и во Лозово. Кај дел од нив, дома, ги однесоа членови на Извидничкиот одред „Димитар Влахов“.Останаа за посета уште неколку семејства кои граѓанското здружение одлучи да ги вклучи во хуманитарната акција “Направи Добро Дело“. Акцијата се организира по повод 22 февруари - Светскиот ден на Извидниците.

 
Настани од Велес: Велешанката Олгица, по две децении, ги најде родителите
Регион - Велес
Недела, 12 Февруари 2017 16:12

Во декември 1932 година во Велес се случил настан за кој на долго и на широко се раскажувало низ градот. Настанот бил повод и белградскиот дневен весник „Време” да објави подолга репортажа. Велешани тој декември биле сведоци на средба, по дваесет години, на нивна сограѓанка со своите родители кои очигледно ја прежалиле и подигнале дури и надгробен споменик мислејќи дека одамна е почината.

 
Мајстор Јован Гочев - последниот леблебиџија во Велес
Регион - Велес
Сабота, 11 Февруари 2017 11:08

Јован во 1970 година ставил клуч на дуќанот што го имал веднаш позади старата Гимназија, на самиот влез во маалото Соколана. Времето си го направило своето. Не само што побарувачката значително се намалила туку и немало кој да произведува слануток, поради миграцијата село- град, основната суровина за производство на леблебија. Поради тагата што ја чувствувал Јован потоа со денови не излегувал од својата куќа.

 
(ФОТО) Благцата на Карбинки најубави на годинешната 22 ра манифестација „Благцето на баба“
Регион - Велес
Петок, 10 Февруари 2017 20:11

Вештите стари домаќинки од Карбинци донесоа гурабии, од Лозово колачи што се викаат слаткарки а Кичевчанки пак донесоа татлии на денешната традиционална манифестација „Благцето на баба“ што по дваесет и втори пат ја организираат жените од Активот на пензионери на Велес. Манифестацијата се одржа во мотелот на велешко езеро „Младост“ и во неа денеска учествуваа жени пензионерки од 19 градови во Македонија. Сите тие подготвуваат традиционални благца, по рецептите на нивните баби, и ги пренеле на своите ќерки и снаи.

 
«ПочетокПред12345678910СледноКрај»

Страница 1 од 237